Påskeegg

For ei god stund sidan spurte sekretærdama på jobb om eg skulle vere med på påskepyntkurs. Der skulle ein mellom anna få læra å laga påskeegg. Eg var skeptisk. Men då eg såg bilete på nettsidene, bestemte eg meg for å vere med. Der laga me påskeegg omlag som dette: 

 

Eg har aldri vore begeistra for påskeegg med høner og harer og alle slags fargar. Men denne var grei. Etterkvart fekk eg fleire nye idéar, også etter at Brit sekretærdame pynta opp på jobben med egg. 

Så ein dag kom eg på noko lurt. Trur eg iallfall. Og resultatet vart dette: 

Denne sprø dama var med meg. Ho lagar blomar med perle. Slikt har ikkje eg tolmod til, så eg nøyer meg med papirblomar og slikt. Går litt fortare óg :)

Dersom du og har lyst til å lage slikt, kan du gjer fylgjande:

1.  Kjøp eit påskeegg, anten på REMA1000 eller Nille eller noko slikt. Helst så stygt som mogleg, då kan det jo berre verta finare. 
2. Mal eit strok (akrylmaling) på utsidene, og gjerne eit strok på innsidene også. Men pass på at du ikkje malar slik at det vil verta vanskeleg å setje på og ta av lokket. La tørke.
3. Ha på lim (hobbylim el) og ha på silkepapir i omlag same farge som malingen, på utsidene av egget (dette kan nok sløyfast, men det har ikkje eg testa ut)
4. Mal eitt strok til når silkepapiret (evt forrige maling) har tørka. La tørka. 
5. Spray gjerne på med spraylakk. Og tørk.
   
   
6. Det er no det kjekke startar!
     Pynt med blomar, bånd, hemp, sommarfuglar, eggeskal, gåsungar, bokstavar (til den som skal få det, eller din eigen), perler, fjører, ... Eg har brukt limpistol her og er svært nøgd med det.
    
7. Det aller kjekkaste er å fylle det med SNOP! Og gi vekk :) Cellofan er fint å bruke for å "pakke" det inn inni egget, slik at det som ligg inni ikkje fell ut ;)

God påske! 

Minien på Bavaria-sjukehus

I omlag ein månad har det lyst mot meg at bilen ynskjer ein oljeservice-kontroll. I tillegg hadde eg ikkje meir olje att i flaska baki bilen, og det er ein som vert litt irritert om eg ikkje har det i bilen når oljen vert sjekka. Men når då det også hyler kvar gong bremsene vert brukt, tenkte eg at det kanskje var på tide å gjere noko med spetakkelet.

Som tenkt, så gjort. Så eg reiste til Bavaria for å bestille time til oljeskift, og kjøpte ei flaske olje. Som kosta 295,- for ein liter. Og med det same fortalte eg om hyla, og ba dei setje opp tid til å fikse det også. Men mekanikaren som var meg og skulle finne ut kva problemet var, ville ikkje sende meg heim att med bilen. Kall det kva du vil, men eg håpar han gjorde det av omsorg. Ikkje overraskande var taxisjåføren av det morosame slaget: "Do ikke må levere bilen til Bavaria, do spara masse penga på en annan verksted" sa taxi-sjåføren. Neitakk, eg vil ha det på plass snarast og med dei rette delene, av dei som kan fiksa min bil.

Men dette var måndag. Og i dag er det onsdag. Kanskje eg får han att i morgon... Mekanikaren ringte meg igår, og det ville koste meg omlag 10 000,-. Ups, der fauk den overtidsjobbinga mi dei siste dagane. Skulle gjerne sett at staten dekka slike utgifter. Kva om alternativet er at eg ikkje får bremsa på motorvegen? Til gjengjeld MÅ eg gå til jobb, uansett vær. Det at eg skulle gå til jobb ein dag i veka har sklidd litt ut, kan ein sei. Men du så keisamt det er å gå åleine, og kven kan eg liksom ringa til klokka 8 på morgonen og drøsa med?

Nei, gleder meg til å få att min kjære bil etter eit opphald på Bavaria :)

Årets gode gjerning!

Idag har eg endeleg fått tid til å rydda i dei to koffertane på rommet mitt som var fyllt med klede. Kleda er samla frå to-tre skåp/kommoder, og var ein fin blanding av kvardagsklede, kvardagsklede og litt anna. I klesvegen er eg ganske så nøytral, så kleda mine er nokså keisame. Og dei som stakk ut, er litt spesielle, og heller gått ut på datoen for min del. Men torsdag i romjula 2010 var altså den store dagen, då eg skulle rydde i denne haugen.

Ettersom eg tykkjer det er fint å ha eit lite lager med klede heime på Vikeså, valgte eg å behalde eit par plagg i kommoden på rommet. Men det aller meste gjekk til Fretex. Nesten to sekker vart det. Og då gjekk eg samstundes gjennom kjoleskåpet og ein del av skoa mine.

Men så kom eg til denne her.. Ikkje kan eg gi han til Fretex, og ikkje kan eg godt bruke den som ei t-skjorte om sommaren. Så den fer vel i søppelet :)

Faktisk var det ganske greit å få renska opp i dette. Det har jo rett og slett berre teke opp plass! Og så kan nokon kjøpa kleda mine i ein av Fretex-butikkane, og så har me gang på økonomien! :)

Julestemning i heimen

Eg er så heldig at eg har fått ein julekalender i år! Av tanteungane mine :) 

Julekalenderen min og adventslysa 2010

Eg måtte ha dei små pakkane i ei skål. Så det vart ein del av juledekorasjonen min på stovebordet. Må innrømme at eg ikkje er så veldig kreativ, så det vart litt enkelt i år (også).

Kan hende ungane har fått litt hjelp av sine snille mødre.. Sjølv for den beste seksåringen kan det verta litt vanskeleg å få pakka inn små pakkar, for ikkje å snakka om eitt-åringane. Men, innhaldet, det har til no vore litt scrappeting (gleder meg til å bruke alt scrappeutstyret saman med svigerinne Eva), teikningar og nabbyperlepynt, og ikkje minst dei små lappane frå Helge med ulike, herlege beskjeder som "Du er en reser på sykkel", og "du er snill"... Å, sånt smeltar tante sitt hjarte! Dette har eg hengt opp over senga.

Kva er vel betre enn å vakna til små, opmuntrande helsingar?

Den første lappen frå Helge sat eg på stranda i Tenerife og las... Kan trygt sei at eg lo av hjerta då!

"Sidan sist" har eg vore på kreativitetskurs på ein låve på Madla. Der fekk me mykje inspirasjon i samband med pynting til jul, både borddekking og til å lage stemning elles i huset, og for å lage hjerta av bjørkegreiner. Mitt hjerta har eg hengt på døra. Litt voldsomt kanskje, men så er det jo berre ein gong i året me pyntar på døra :)

Døra pynta til jul 

Og kva er vel meir naturleg å høyre på julemusikk? Etter ei veke med jamnt over 20 grade i regn og sol på Tenerife, byrjer snart julestemningen å nå meg også :)

Gullkorn frå store og små barnemunn

Av og til er det nokon fantastiske (og mindre fantastiske) gullkorn som kjem frå både små og store. Ikkje alt får eg skreve ned, men eit par...

-Kunnskap er det som er igjen etter at du har glemt alt annet

-Ein kaffitraktar e stort ikkje meir avansert enn et grisaforingssystem (om automatisk kaffitrakting i privathus)

Samtale med mor og datter, Thea 1,5 mndr:
-Thea, kan du seia eple?
-Æble
-Flott, kan Thea seia banan?
-Nam nam
-Kan Thea seia kaka?
-Name nam
-Is?
-Name name nam

-Blir det mer spennende nå blilr det høyspent! (Torsdagskveld fra Nydalen)

-Då e me trillinga med mannabein! (tri jente som har funnet ut at ingen har barbert leggane)

-Me lage te et månedlig magasin, som bare komme ut ein gong!

-det e subagadå....for der dreiv folk å subde
-kan du forklara subde?
-di sadd på lefsebagerie å åd blomkålsuba i gamledage

-You have a duty to smile :)

Suldal Billag - Me kjøre' buss

Som nogen vett, e eg oppvaksen mellom bussar og lastebilar og mekkeolja og sånt, og komme nok ikkje øve d nogen gong. Så kom eg øve denne videoen som Suldal Billag he laga. Enorme assosiasjona t bilselskape, ja! Å, d va tie, egentlig på myrå... 

Ei solskinshistorie :)

I dag då eg kom heim frå arbeid tenkte eg at no skal eg setja meg i sola og lesa bok. Dei siste dagane har det vore satt nedbørsrekord i fleng, og det har vore tala om femårsflaum og slikt. Men før eg kunne nyte sola, måtte eg berre ete middag og lesa avisa. Og sjekka mailen. Og henge opp klede til tørk. Og legga i hop tøyet som var tørt. Og sette på nye klede til vask. Og bake kjeks som eg sa eg skulle gjer til jobben i morgon. Og søppelet må tømast. Og kjøkenbenken må ryddast. Og no kan eg endeleg setja meg i sola og lesa den eine boka eg held på med for tida, Hodejegerne av Jo Nesbø. Det er berre eit problem, nemleg at sola gjekk visst ned i vest.... Så no er det for mørkt til å sitje ute og nyte dei flotte solstrålene.

"Prioritering", vil du nok sei. Det same seier eg. Men kvifor utsetje det du kan gjer no, har eg høyrt. Men eg veit det vert fleire solskinsdagar, og helga skal visst verta bra! Og skal eg fortelja deg ein løyndom (hemmelighet), så har eg faktisk over 30 dagar som eg kan avspasere. Det er ikkje stort høve å ta ut avspaseringsdagar på våren, så det vil i teorien sei at eg kan ta meg fri 2-3 dagar per veke fram til jul. Det skal eg utnytte! Treng du selskap ein dag, forresten?

Nedanfor vil eg dele med dykk, trufaste lesarar, baksten min i kveld, nemleg Emilies kjeks med tranebær og rosiner (oppskriften står på det første biletet):